ازاى تقول للى بتحبها بحبك وبالصور كمان ؟؟؟

- اشتري ليها 11 وردة حمرا ووردة بيضا واكتب كارت صغير بتقول فيه "في وسط كل باقة ورد فيه وردة واحدة مختلفة.. الوردة دي إنت!"

- حاول تفتكر تواريخ الأيام الحلوة اللي كانت مهمة في علاقتكم، واحتفلوا بيها سوا.

- اهدي لها مخدة عليها أول حرف من اسمها وأول حرف من اسمك عشان تفتكرك قبل ما تنام.

- اهدِ ليها ديوان شعر وعلم على الأجزاء اللي بتفكرك بيها فيه.

- اعمل لها شريط كوكتيل بأغانيك المفضلة.

- فاجئها بتذكرتين لحفلة سينما لفيلم هي كانت عاوزة تشوفه.

- اهديها صورة ليك وإنت صغير.

- اشتري ليها نبات عشان تفتكرك كل ما ترويه.

- فاجئها بوجودك لما تكون مش متوقعاه.

- اشتري ليها حاجة ممكن تتحط في بيتكم في المستقبل (أي حاجة صغيرة ممكن تزين البيت).

لو متجوزين بقى.....

- حضر لها فطار في السرير.

- خبي لها كروت فيها كلام رقيق تحت المخدة أو علقها على الثلاجة.

- ارجع البيت وفي إيدك وردة ليها.

- فاجئها بإنك أخدت أجازة تقضي معاها فيها شهر عسل جديد.

- املا أوضة النوم بالبالونات!

- لو نزلتم تشتروا حاجات ولاحظتِ إن فيه حاجة بالذات عجبتها، خد بالك من الحاجة دي واشتريها لها بعدين.

- حضر لها عشاء على ضوء الشموع.

- اتبرع بإنك تقوم بأعمال البيت في يوم (للرجالة طبعا).

- وممكن لما تبقى فاضى تطبخوا سوا

منقوووووووووووووووووووووول

واتمنى ان الموضوع يعجبكم

تقبلوا ارق واغلى تحياتى